Friday, 16 March 2012

အသုံးမဝင်သော ...




ဖွင့်ဟခွင့်မရှိတဲ့ - -
ဆန္ဒတွေအတွက်
နှလုံးသား တစ်စုံအတွက်
စကားလုံးတွေက အသုံးမဝင်ခဲ့ ။

အဖော်မဲ့တဲ့ - -
ညတွေအတွက်
ခံစားချက်တွေအတွက်
အသိစိတ်တွေက အသုံးမဝင်ခဲ့ ။

ရှင်သန်ခွင့်မရတဲ့ - -
သတိရခြင်းတွေအတွက်
ချစ်ခြင်းတွေအတွက်
မျှော်လင့်ခြင်းတွေက အသုံးမဝင်ခဲ့ ။

လွတ်မြောက်ခွင့်





လေလွင့်တဲ့စိတ်
ဘောင်ခတ်မရတဲ့ အတွေး
အဆုံးမရှိတဲ့ ခရီးကိုနှင်
ရင်ခွင်က ပွစာတက်
စိတ်က ကယောက်ကယက်။


ထိန်းချုပ်ဖို့ ကြိုးစားတဲ့အသိ
မျောပါခွင့် ကို ကန့်သက်တဲ့ဝိညာဉ်
မြုပ်ချီပေါ်ချီ တလှည့်စီမို့
မျှတတဲ့ ရပ်တည်မှုကအစွမ်းမဲ့။


ရှေ့တိုးတော့ ဆူး
နောက်ဆုတ်တော့ ရူးမို့
ချောင်ပိတ်မိနေတဲ့ ဒီဘဝ
လွတ်မြောက်ခွင့် တခဏ
ပေးသနားတော်မူပါ အို…..သခင်။

ကိုယ့်ရဲ့ချစ်ခြင်း...




ကိုယ့်ရဲ့ချစ်ခြင်း...
သိုဝှက်ခြင်းတွေ ရှိချင်ရှိမယ်
စကားလုံးတွေနဲ့တော့ အပေါ်ယံရှုပ်ပြေး ရေပေါ်အရုပ်မရေးလိုပါ ။

ကိုယ့်ရဲ့ချစ်ခြင်း...
မျှော်လင့်ခြင်းတွေ ရောယှက်ချင်ရောယှက်နေမယ်
ချည်ထုံးတွေပတ်ရစ် ရုန်းခက်အောင်တော့ဖြင့် မနှောင်ဖွဲ့လိုပါ ။

ကိုယ့်ရဲ့ချစ်ခြင်း...
အထီးကျန်ခြင်းတွေ ပြည့်နှက်ရင် ပြည့်နှက်နေမယ်
သူချစ်၊ကိုယ်ချစ် ကံစေရာဘဝကိုဖြင့် အပြစ်ရယ်တော့မတင်လိုပါ ။

ကိုယ့်ရဲ့ချစ်ခြင်း...
စွန့်လွတ်ရခြင်းတချို့ ရှိကောင်းရှိမယ်
ပေးဆပ်သူ၊ရယူသူ ဘက်တူမတူလည်း မတွက်ချက်လိုပါ ။

ကိုယ့်ရဲ့ ချစ်ခြင်း...
နာကျင်ခြင်းနောက်ဆုံး ရှိခဲ့ရင်တောင်
“ချစ်ခြင်းရဲ့အရှုံး” “အမုန်း” တို့ဖြင့် အစားမထိုးလိုပါ ။

သူငယ်ချင်းအတွက် မှာတမ်း




ကြည့်သောသူ မြင်တယ်ဆိုပေမဲ့
ကြည့်လို့ မမြင်နိုင်လောက်အောင်ကို
နှင်းတွေ ဖုံးလွှမ်းနေတဲ့အခါလည်း
ဘ၀မှာ ရှိမယ်။
မင်းကအနောက် ငါကအရှေ့
ကြားတယ်မှာ
ချစ်ခြင်းမေတ္တာတရားကလွဲပြီး
ဘာစည်းရိုးမှ မရှိဘူးနော်။
ချိုင့်ခွက်ထဲ ရေ၀င်နေလို့
အတိမ်အနက်ကို မသိရတဲ့ အဖြစ်တွေရှိရင်
နောက်တာပါ အတည်လည်း ဒါပါပဲဆိုတဲ့
အ၀န်းအ၀ိုင်းတခုမှာ
မင်းရွေ့လိုက်တဲ့အကွက် မှန်ပါစေ သူငယ်ချင်း။
မင်းတပ်လိုက်တဲ့
မျက်မှန်တလက်ဟာ
အမှန်တရားဆိုတာ ငါယုံကြည်ပါတယ်။
ဒါပေမဲ့
သူငယ်ချင်းရေ
လက်ခုပ်တီးပြီး
အရမ်းကာရော လက်ရပ်မခေါ်နဲ့နော်
မျဉ်းကြားဆိုပေမဲ့
အန္တရာယ်ရှိတယ်။
မင်းဖန်တီးလိုက်တဲ့ အနုပညာဟာ
မင်းအတွက် အဆိပ်တခွက်ဆိုရင်
မင်းဟာ ဆိုကရေးတီးနဲ့
မိတ်ဆွေဖွဲ့ဖို့ လိုမယ်ပေါ့။
မင်းဘ၀တခုလုံး လေးနက်နေချိန်မှာ
လူတွေက မင်းကို ရယ်ကောင်းရယ်လိမ့်မယ်။
လူသားတွေ နေတဲ့ကမ္ဘာမှာ
လူသားအချင်းချင်းအပေါ် ချစ်တတ်ပါစေသူငယ်ချင်း
မင်းဟာ ခုတ်လွယ်ရှလွယ်ရှိတဲ့ သူမဟုတ်ဘူးဆိုတာ
ငါသိပါတယ်။
မင်းယုံကြည်ရာတွေကို ထုဆစ်ဖို့နဲ့
မင်းမယုံကြည်ရာတွေကို ဖဲ့ထုတ်ပစ်ဖို့
လိုရမယ်ရ ပုတီးလေးတကုံးလည်း ဆောင်ထားပေါ့။
ဘ၀ဆိုတာ............။     

ငိုနေလို.အပိုဘဲ...



                                      
သူငယ်ချင်း-
လောကကြီးထဲ ခြေချတော့
အူဝဲဆိုတာနဲ့ ချခဲ့တယ်..။
ငိုခြင်းနဲ့ စခဲ့တဲ့ဘ၀
အဆုံးသတ်ပါတော့..
တစ်ခါရှုံးတိုင်း တစ်ခါငိုလည်း
ဘ၀ဟာ စိုပြည်လာမှာမှ မဟုတ်ဘဲ။
ယနေ့ ရယ်နေသူတွေဟာ
မနေ့က ငိုခဲ့တဲ့သူတွေပါ..။
ဒီအချိန်ကျော်နေသူတွေဟာ
ဟိုတစ်ချိန်က ချော်ခဲ့တဲ့သူတွေဆိုတာ
မင်း နားလည်စမ်းပါ…
ရှုံးရာမှ ကုံးထ
လောကကြီးကို ပြုံးပြလိုက်စမ်းပါ
အားလုံးအိုကေနေတာ တွေ့ရမယ်..
အားတင်းပြီး ခေါင်းမော့
ရင်တစ်ချက်ကော့ပြလိုက်တာနဲ့
လောကကြီးတုန်လှုပ်သွားလိမ့်မယ်
လူသားမှာ စွမ်းအားရှိနေတာ
သူသိနေတာလေ………
နဖူးက ချွေးတစ်စက်
မြေကြီးထက် ဆင်းသက်တာနဲ့
ရွှေအသီးတွေ ထွက်လာလိမ့်မယ်….
မျက်ရည်တွေ တောက်တောက်ကျ
အသနားခံပြတာကိုတော့
လောကကြီးက တာ့တာ…တဲ့
မွေးဖွားလာတဲ့လူသားတိုင်း
အငိုအားနဲ့ စ,ခဲ့လို့
လောကကြီးက ရိုးသွားပြီ…
ဒါ့ကြောင့် -
ရုန်းထ ပြုံးပြ
လူသားရဲ့ စွမ်းအားကိုပြ
လောကကြီးက မင်းကို သြချလိမ့်မယ်
ငိုနေလို့တော့ အပိုပဲ သူငယ်ချင်း…

-------- “ယုံကြည်စေဖို့”---------




ပြောတော့တစ်မျိုး လုပ်တစ်မျိုး
နှစ်မျိုးမလုပ်နဲ့………….။
ရှေ့ကြတစ်မျိုး ကွယ်တစ်မျိုး
ဒါမျိုးမလုပ်နဲ့……………။
တော်နေတစ်မျိုး ခုတစ်မျိုး
အမျိုးမျိုး မလုပ်နဲ့……..။
လူကြီးလုပ်ရာ ဤသုံးဖြာ
ရှောင်ပါမမေ့နဲ့………..။
မင်္ဂလာ ပေါင်းနဲ့ ပြည့် စုံပါစေ